"Ақтөбе" ӘКК" АҚ: Ақтөбеде картоп бағасы қолжетімді
Бірнеше күннен бері әлеуметтік желіде картоп құнының күрт өскені туралы ақпараттар тоқтамай жатыр. Бүгін қала базарлары мен дүкендерінде көкөніс құны 350-406 теңгеден сатылуда. Ал, шаһардағы әлеуметтік дүкендер мен ірі супермаркеттердегі картоптың бір келісі 116 теңгеден басталады. "Ақтөбе" әлеуметтік кәсіпкерлік корпорациясының мәліметінше, дүкендерге тұрақтандыру қорларынан бұрынғыдан екі есе көп картоп жеткізілуде. Картоп тапшылығы жоқ. Қазір тұрақтандыру қорында 4600 тоннадан астам картоп бар. Сәбіз бен пияз көлемі 300 тоннадан асады. 431 тоннадан артық қырыққабат бар. Ал, картоп аймаққа Павлодар, Қарағанды, Қостанай облыстары мен Ресейден жеткізіледі. Бірнеше күннен бері Ресей Федерациясынан картоп шығару уақытша шектеліп тұр. Мәселеге орай, тұрақтандыру қоры тұрғындарға қолжетімді болуы үшін жергілікті ірі супермаркеттер мен "Табыстың" 18 әлеуметтік дүкеніне әдеттегіден екі есе картоп жіберіп отыр. Яғни, 16 тонна картоптың орнына 30 тоннамен қамтылған. Ал, қарапайым дүкендерде картоп 350-370 теңгеден саудалануда. Бүгінге дейін бағаны өсірмей, келісін 299 теңге саттық, дейді дүкен иесі Гүлбаршын Теміртаева. Өсіруге өнімнің қымбаттауы себеп. 41-разъездегі көтерме базардан кәсіпкер өзі әкеледі. Ол жақтағы баға 300-320 теңге. Сол бағаға 15 пайыз ғана сауда үстемесін қосады екен. Оның өзі, шығынды жаппайды. Ал, әлеуметтік дүкендер мен супермаркеттерде тұрақтандыру қорынан алынған өнімге 10 пайыздан артық сауда үстемесін қосуға болмайды. Арнайы шарт бар. Тұрақтандыру қоры мамандарының сөзінше, Анвар сауда желісінде бүгін картоптың келісі 388 теңгеден. Салыстырып қарасақ, шаһардағы кіші дүкендерде өнім құны бәрібір 15-20 теңгеге арзанырақ.Количество показов: 273
Дата создания: 17.01.2025 10:18:23
