Ақтөбеде "Тәуелсіздік ұрпақтары" грантына қатысуға өтініш қабылдау басталды

Ақтөбеде 11-16 желтоқсан аралығында облыс жастарына арналған «Тәуелсіздік ұрпақтары» грантына өтініш қабылдау басталды. Грантты 35 жасқа дейінгі жастар, сонымен қатар орта және ЖОО студенттері ала алады.Грант 6 бағыт бойынша берілмек. Мәселен "Ғылым" бағыты - жаңа ғылыми жобаларды және зерттеулерді қолдауға арналған. "Мәдениет" - Қазақстанның мәдени мұрасын танымал етуге, халықтық мәдени дәстүрі мен төл өнерімізді дамытуға бағытталып отыр. "Ақпараттық технологиялар" - жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған. Тағы "Бизнес", "Медиа" және «Волонтерлік» бағыты.Жоба аясында жоғары оқу орындарының 145 студентіне және колледждің 45 студентіне шағын грант беріледі. Тек оқу орнының 1 курсы мен соңғы курсындағы студенттерге қарастырылмаған. Жағдайы осал отбасыларға бұл үлкен мүмкіндік болайын деп отыр,-дейді жауаптылар. Үміткерлердің конкурстық өтінімдері 2024 жылғы 11-16 желтоқсан аралығында tauelsizdikurpaqtary2024 электронды поштасы арқылы қабылданады.
Количество показов: 393
Дата создания: 12.12.2024 10:45:09