Қар құрсауында қалғандар құтқарылды
Ақпанның ақ бораны басталды. Қыс қаһарына мініп көліктер мен жолаушылар жолда қалып жатыр. Құтқарушылар дамылсыз қызмет етуде. 21-23 ақпан аралығында 128 құтқарушы күндіз-түні қызметте болды. Республикалық және облыстық маңыздағы жолдарда қалып қойған жолаушылар дер кезінде құтқарылды.Қала мен аудандарда 12 жылыту пунктері іске қосылып, орналастырылған азаматтар азық-түлікпен қамтамасыз етілген. Одан бөлек . Қобда ауданында 120 бас ұсақ малға жем-шөп жеткізу ұйымдастырылды. Құтқарушылар жолаушылардан бөлек құдыққа түсіп кеткен жан-жануарларды да құтқаруда. Заречный даңғылында құдыққа құлап кеткен итті байқаған адамдар, құтқарушылардың көмегіне жүгінген.
Табиғаттың тосын мінезі талайды әбігерге салды. Қар құрсауында көліктер қалып, тұрғындардың жүріс-тұрысы қиындады. Жедел-құтқару жасағы құтқарушыларының кәсіби іс-әрекеттерінің арқасында жеті қазынамыздың бірі итті құтқарды. Жалпы қысқы кезең басталғалы 277 адам құтқарылған. Оның ішінде 15 бала, 175 шетел азаматы. Ол үшін жеке құрамнан 789 адам және 255 бірлік техника жұмылдырылған. Қазір облыстық жедел штаб күшейтілген режимде жұмыс істеп жатыр. Алда тағы бір үлкен сын бар. Ол-көктемгі қызыл судың жүрер уақыты. Қалың қар астында жатқан облыс орталығын күн жылынысымен топан су басып қалмас па екен?!
Количество показов: 152
Дата создания: 25.02.2025 05:39:42
