Асау барақ пен Жанқожа батыр көшелеріндегі кесілген талдар бір аптадан бері әлі жатыр

Жанқожа батыр көшесі 83а үйінің маңында кәрі тал құлап, жаяулар жолын жауып тастаған. Оқиға 2-сәуір күні қатты жаңбыр кезінде болған. Содан бері жол жабық. Өткен-кеткен жандар сол жердегі сауда орнының басшыларына шағымданады. Ал, олар 109 нөміріне бірнеше рет хабарласқан. 109 арқылы дағдарыс орталығына жолданыпты. Бүгінге дейін жан адам келмеген.
Мәселені тыңдағаннан кейін біз жауапты өкілдерге хабарласқан болатынбыз. Қырқылған және құлаған талдарды жарты сағат ішінде Алматы ауданына қарасты мердігер мекеме жинап алды. Әйтсе де, шенеуніктердің сөзінше, тұрғын үйлердің алдындағы талдарды жинап, шығаруға коммуналдық қызметкерлер міндетті емес. Жоспарлы емес қырқылған ағаштарды жеке және заңды тұлғалар өздері жинап, қалалық полигонға шығарулары тиіс. Ал, Асау барақ көшесіндегі кесілген талдар бір аптадан бері әлі жатыр. Бір орыннан қозғалмаған. Тұрғындардың шаһар тазалығына көңілдері толмай отыр. Шаңмен қоса, кесілген бұталар әр жерде үйіліп жатыр, дейді.
Тұрғын үй-коммуналдық шаруашылығы бөлімінің мамандарының сөзінше, жеке және заңды тұлға өзіне тиесілі ғимараттың алдынан 5 метр қашықтыққа дейін құлаған немесе кесілген ағаштарды жинауға міндетті. Абаттандыру заңдылығына қарсы келген жағдайда 505 баппен айыппұл арқалауы мүмкін.

Количество показов: 44
Дата создания: 11.04.2025 07:52:07