Кеңес Одағының батыры И. Білтабановтың туғанына 100 жыл

Тарихи-танымдық шеру Ұлы Жеңістің 80 жылдығы және Кеңес Одағының батыры Иманғали Білтабановтың туғанына 100 жыл толуына арналып отыр. Шараға қаламыздағы әскери орган басшылары, Ауған соғысы ардагерлері мен Чернобыль апатының қатысушылары, И.Білтабанов атындағы әскери техникалық мектептің тәрбиеленушілері мен батырдың туыстары қатысты. Мәскеу тұрғын алабындағы Білтабанов көшесінде орналасқан ескерткіш тақтаға гүл шоқтарын қойды. Иманғали Білтабановтың ерлігін айтып, естеліктерімен бөлісті. Иманғали Білтабанов 1925 жылы 10-сәуірде Қобда ауданындағы Қос-Өткел ауылында дүниеге келген. Жастайынан ата-анасынан айырылып, ағасының қолында тәрбие алады. 4 сыныптық мектеп бітіріп, тракторшы болады. 1943 жылы Қызыл Армия қатарына шақырылып, соғысқа аттанады. Пулеметші болған. 58 фашисті жойып, Одерфельд деревнясы үшін шайқаста бір аптада 120 гитлершіні жойған. Осы ұрыста ауыр жарақат алып, 1945 жылы қаза тапқан. Зұлқарнай Башбай Иманғали Білтабановтың ағасы Нұрғалидің ұлы. Иманғали соғысқа аттанғанда жасы небәрі 5-те болған. Батыр ағасының ерлігін мақтанышпен баяндап берді.
Қазір өңірімізде Иманғали Білтабанов есімі берілген көше, ауыл, мектептер бар. Білтабанов атындағы көшеде орналасқан ескеркіш-тақтаны облыстық Қарулы күштері ардагерлер кеңесінің төрағасы Қажымұқан Сәтенов осыдан 5 жыл бұрын өз қаржысына жасатқан. Ертең батырдың туған жері Қобда ауданы Білтабанов ауылында құран оқылып, ас беріледі.

Количество показов: 52
Дата создания: 10.04.2025 07:04:29