Шалқар ауданында дене шынықтыру-сауықтыру кешені құрылысы мердігерлердің жауапсыздығынан тоқтап тұр

Шалқар ауданына жұмыс сапарымен барған облыс әкімі Асхат Шахаровтың алдымен күрделі жөндеуден өткен Ідіріс Үргенішбаев атындағы мектеп пен №12 "Бөбекжай" балабақшасын аралап көрді. Мектепте 700 оқушы оқиды. 140-тан астам ұстаз бар. Білім ордасында күрделі жөндеу жұмыстарын “Construction Group SAMRUK” серіктестігі жүргізген. 478 млн теңге бюджеттен алынған. Асхана, спортзал және компьютерлік сынып жаңа құралдармен жабдықталған. Жаңа жиһаздар, интерактивті тақталармен толыққан. Ал, "Бөбекжай" балабақшасында 140 бүлдіршін тәрбиеленеді. 1963 жылы салынған ғимарат алғаш күрделі жөндеуден өтіпті. Былтыр жөндеу жұмыстарына облыстық бюджеттен 210 млн теңге бөлінді. Кейін Асхат Шахаров ауданының тарихи-өлкетану мұражайына соқты. Шалқар мұражайында 13 мыңға жуық экспонат бар. Ескі ғимарат кеңейтіліп, экспонаттар саны артқан. Музейде 1870 жылы Шалқар қаласы құрылғаннан бастап бүгінгі дейінгі өлке тарихын бейнелейтін жәдігерлер сақталған. Шалқар ауданында дене шынықтыру-сауықтыру кешені құрылысы мердігерлердің жауапсыздығынан тоқтап тұр. Мемлекеттік сатып алу қайта өткізіліп, жаңа компания шаруаға кірісті. Жабық бассейні мен спорт секциялары бар жобаны уақытында аяқтау - басты талап, дейді өңір басшысы. Қазір 750 бала жаттығатын Владимир Цеханович атындағы №1 спорт мектебінің жаңа ғимараты түгел сүрілген. Орнына заманға сай жабдықталған екі қабатты ғимарат салынады. Сондай-ақ, «Ауыл-Ел бесігі» жобасы аясында Бозой, Шілікті ауылдарында спорт кешендері салынып жатыр. Аудан тұрғындарының 50,8%-ы жүйелі түрде спортпен шұғылданады. Аймақта балалар мен жасөспірімдерге арналған 2 спорт мектебі, аула клубы, «Ақтөбе» футбол клубының филиалы жұмыс істейді.
Количество показов: 153
Дата создания: 25.02.2025 05:42:22